حسبى ربى للشاعر محمد الشاذلى ملتقى الأدباء العرب
(حسبى ربى) ٢٤/١٠/٢٠١٨
طيب و لأمتى دى ظروف
زايده ضيقتها و مارحمانا
مالينا ويا الخوف
والخلق دى ماشيه ما دريانا
حتى الننى ماعاد بيشوف
قاعد جوه عيون عميانه
والمعنى خلاص تاه ف حروف
"بأسانا"
و رفوف
كاسر ضهر لناس تعبانه
شاربين للحنضل بجاروف
يا هل المنصب دا احنا امانه
مسخت ولا عاد فيها كسوف
طلعت روحنا معادش معانا
و اللى ب (10) بقى بألوووف
وما حد بييجى الدكانه
يا هل الكرسى اعملوا معروف
حبة رحمه دا احنا قفانا
وألله ما متحمل لكفوف
هنروح فين بعيالنا معانا
احنا مش طالبين لا خروف
ولا حتى لتفاح وبنانه
أكل العادى من المألوف
جبنه بقوطه مع بتنجانه
والهدمه ما عايزينش الصوف
حاجه لستر لحوم عريانه
هيا دى صعبه يا (أهل الشوف)
حسبى ربى يزيح (ما بلانا)
محمد الشاذلى
تعليقات
إرسال تعليق