أبو التعالب بقلم الشاعر /طارق معن على (ملتقى أدباء العرب)
أبوالتعالب
ابـوالتعــالب المكـارفـات
على حي جميلة الجميلات
فى دماغه أهداف مرسومة
وقفـولـوا صبيــان وبنـات
بيدافعوا بموت عن حتتهم
وخايفـين تتفـرق وحدتهـم
والقــوة بتيجي من لمتهـم
لاحيشرب فيهاولاحياكل
ومش مسموحلة فيها يبات
أبو التعالب المكار فات
على حي جميلة الجميلات
ماشافش فى حد أستسلامة
قام فكر يرجع فى كلامة
محال يرفع فيها أعلامـة
شاف موته بيظهر قدامة
والمحال يخدع ألوفـــات
أبو التعالب المكار فات
على حي جميلة الجميلات
حيرجـع لما الهمه تنام
والخير يبقى ليه وبكام
ويبقى الفعل كلام ف كلام
وقول الحق يكون أجرام
حباته تنبت يامـا حبات
أبو التعالب المكار فات
على حي جميلة الجميلات
هيرجع لما حُب الأنا
يسيطر على كل أفعالهم
كسل وغش وجهل وذل
وضعف إيمان هيستعبدهم
عايز أفعالهم نيات
أبو التعالب المكار فات
على حي جميلة الجميلات
كلمات/ طارق معن علي
كل الشكر والتقدير للسادة القائمين على ادارة هذا الصرح الثقافي العظيم ملتقى الأدباء العرب لتسجيل قصيدة أبو التعالب مزيد من التقدم والأذدهار
ردحذف