كلنا ولادك.. بقلم الشاعر/ محمد أحمد مندور

يا أبا ليه ميزانك مايل

حاضن الكبير القوي

ونافر الرضيع اللي 

حاله مايل

اللي شادد عوده ولامس السما

لاجله تعمل العمايل

واللي لسه نبتته في التربه خضرا

مانع عنه الهوي والميه محرومه عالسنابل

يا أبا هتلاقينا كلنا من طرحك مولود

اه كلنا ولادك وعننا مسؤل

لاتفرق معاك كنا بيض او سود

ده حضنك لو للضعيف مش جمايل

الكبير وحده مش إبنك

تبني فيه وتعليه

والصغير لما كبر

وبني روحه بايديه

تهده وتشككه في ابوتك ليه

ومن علي وش الارض

تمسح احلامه گانها مش ملك ليه

ليه ترهبه بالابوه

وتشرده بين القبايل

خلي الصغير طايش غلطان

اوعي تحاسب جهله

دور علي اللي علا فيه البنا

وصحي أحساسه انه انسان

ورسمله حلمه في الحياه

بعد ماحلمه بان بعيد

وله مش طايل

ليها مليون حل يا ابا

غير انك تهده 

وتسيب وضعه مايل