قصة حياتي في كلمات...حسام عبدالمنعم _ مُلتقى الأدباء العرب



عاشق سارح بالملكوت

ميهموش العمر يفوت

يدفع فى الحرية حياته 

و لو اتكتف للحظة يموت

قلبه بيبرق زى الماس

ولا يملك غير الاحساس

غرقان فى جروحه و آلامه 

و بيداوى فى جروح الناس

بايع قلبه للى يحبه 

و معندوش للحب شروط

عاشق سارح بالملكوت 

و لو اتكتف للحظة يموت

طير فى السما وملوش عنوان

وفى ايديه خاتم سليمان

كان عايز بالضحكه يغير 

و يدوب كل الاحزان

عاش الحلم كانه حقيقة

وافتكر ان الدنيا بريئة

من طيبته سلم للدنيا 

و الدنيا بتبيع فى دقيقة

فوق و اتحرر من اوهامك

العمر بيخلص قدامك

الطير مش هيطير فى جهنم 

و مافيش سمكة بتعشق حوت

عاشق سارح بالملكوت

ميهموش العمر يفوت

يدفع فى الحرية حياته 

و لو اتكتف للحظة يموت

#حسام عبدالمنعم

تعليقات

المشاركات الشائعة من هذه المدونة

قريتي بين الحاضر والماضي. بقلم/ أيمن صبري ـ مُلتقى الأدباء العرب

الكاتبة شمس الأصيل في ضيافة الأديبة فاطمة النهام

ثورة الخجل بقلم الشاعر /بحه الناى احمد مصطفى الاطرش