اه يامه واه يابا للشاعر أدهم السمهودي _ملتقى الأدباء العرب
قصيده بعنوان( اه يامه واه يابا )
كلمتها وكلامها ضعيف
نبرة صوتها كان مخيف
كل ماقول مالك يامه
تقول يا ضناي لأ مفيش
كلمتني بلهفه وشوق
حاسه فيا نجاه وطوق
عايزه تقول نفسي اشوفك
محدش يابني ضامن الموت
كلامها كان كله آنين
حسيته في قلبي طعنة سكين
طول المكالمه كانت تدعيلي
يبعد عني غلب السنين
غربه واقفه في الحلقوم
حياتنا فيها بالتلفون
وكل م نشتاق لحبيبنا
يهرب من جفونا النوم
اه يامه واه يابا
احنا في غربه ولا في غابه
خايف اغمض عيني لحظه
تنهش في لحمي الديابه
العيب في الغربه ولا فينا
والدنيا يامه جايه علينا
وكل م اضحك فيها لحظه
طول الليل تبكي فينا
سامحيني يامه مش بأيدي
وجعك يامه والله في قليبي
وكل م افكر انزل أجازه
يجي الكفيل يفّضيّ جيبي
في الغربه يامه والله عليل
من أحضانكم يامه محرومين
نفسي انام في حِجرِك ليله
أرجع فيها طفل صِغيِر
يا غربه بقى ارحمينا
منك يا غربه احنا ملّينا
طول السنين عايشين فيكي
وف تعب امي تحرمينا
عايزه ايه منّي تاني
غرقتيني في بحر احذاني
وكل م انسي وجعك ساعه
ترجعيني فيه تاني
وكل م انسى وجعك ساعه
ترجعيني فيه تاني
شاعر العاميه
ن
بض الصعيد الجواني
خليفه الابنودي
أدهم السمهودي
تعليقات
إرسال تعليق